ජනපති අනුර කුමාරගේ ප්‍රංශ සංචාරය අවලංගු කැරේ..

ජනාධිපති අනුර කුමාර දිසානායක මහතා සහභාගී වීමට නියමිතව තිබූ ප්‍රංශ නිල සංචාරය අවලංගු කර ඇතැයි ජනතා විමුක්ති පෙරමුණේ පැලවත්ත කාර්යාලයේ ආරංචි මාර්ග සඳහන් කර සිටී. 

එළැඹෙන 16 වැනි දා සිට 19 වැනි දා දක්වා ප්‍රංශ රාජ්‍ය තුළ සිදු කිරීමට නියමිතව තිබූ ප්‍රංශ නිල සංචාරය  අතරතුර, ප්‍රංශයේ  ජාත්‍යන්තර ව්‍යාපාර කවුන්සිලය (MEDEF International) විසින් සංවිධානය කරනු ලබන ව්‍යාපාරික හමුවකට ද ජනාධිපති අනුර කුමාර සහභාගී වීමට  නියමිතව තිබූ බව ප්‍රංශයේ ජාත්‍යන්තර ව්‍යාපාරික කවුන්සිලය මීට පෙර නිවේදනය කර තිබුණි.

මේ අතර එළැඹෙන 18 වැනි දා  තෝරාගත් ඉතා සීමිත පිරිසකට පමණක් ජනාධිපතිවරයා හමුවීමට හැකිවන පරිදි, ප්‍රංශයේ ක්‍රියාත්මක ජනතා විමුක්ති පෙරමුණට සහ ජාතික ජන බලවේගයට සම්බන්ධ පිරිසක් විසින් යොදා ගෙන තිබූ ජන හමුව ද අවලංගු කර ඇති බව ප්‍රංශයේ පැරිස් නුවරින් වාර්තා වේ.